Формализација на Сојузот Македонија без дискриминација

Полио Плус-движење против хендикеп од Скопје; Прва детска амбасада на светот Меѓаши од Скопје; Хуманитарно и добротворно здружение на Ромите “Месечина” од Гостивар; ХОПС – опции за здрав живот Скопје од Скопје; Центар за човекови права и разрешување на конфликти од Скопје; „Универзитет“ Трето доба од Скопје.

Од секоја од овие организации беа предложени и избрани членови и заменици - членови кои го сочинуваат Собранието, а за в.д. Раководна канцеларија на Сојузот е избрана организацијата Полио плус два дена по основачкото собрание, Сојузот одржа средба во просториите на в.д. Раководната канцеларија на која присуствуваа Савка Тодоровска, Мирјана Најческа, Гордана Пиркоска – Змијанац Александар Кржалоски, Мухамед Точи и Звонко Шаврески, а Љулзим Хазири го најави своето отсуство од оправдани причини.

Со шест гласа „за“, за претседавач на Управниот одбор присутните го избраа Мухамед Точи, а Мирјана Најческа за заменик-претседавач. В.д. Раководната канцеларија на Сојузот ја назначи Наташа Постоловска за в.д. извршен директор на Сојузот.

Појаснувања за потребата од ваков закон, како и за суштината на изготвениот предлог-закон говореше актуелниот министер за труд и социјална политика Џелал Бајрами, а за гледиштата што ги застапува неформалниот сојуз МБД во однос на напорите за искоренување на дискриминацијата, како и за насоките во кои треба да се движи финалниот текст на овој закон и за потребата од востановување посебно тело за еднаквост, според постојните примери од голем број европски држави, говореше Звонко Шаврески.

Реакција на Сојузот „Македонија без дискриминација“, врзано за насилното попречување на оддржувањето на мириот собир од 28.03.2009 година (сабота) на Градскиот плоштад во Скопје
Како Сојуз на граѓански организиции „Македонија без дискриминација“ најостро го осудуваме насилството како такво, насилното спречуваење на слободата на говорот, мислата, уверувањето и собирањето, и најостро ја... повеќе

ИМЕ, СТРУКТУРА И СТАТУТ
На 26.02.2009 во скопскиот хотел Континентал Коалицијата “Македонија без дискриминација”, одржа работилница на која учествуваа по еден или двајца претставници на сите членки на Коалицијата, а на работилницата се дискутираше за името, целите и принципите на Коалицијата, како и за условите за членство и за нејзината организациска структура... повеќе

МАКЕДОНИЈА БЕЗ ДИСКРИМИНАЦИЈА

Во текот на 2007 година, повеќе граѓански организации се здружија во неформална Коалиција (чие формализирање, според плановите, треба да се заврши во текот на првите три месеци од тековната 2009 година), т.н. Коалиција Македонија без дискриминација.

• Асоцијација за демократски иницијативи - АДИ Гостивар
• Ел Хилал
• Македонски центар за меѓународна соработка - МЦМС
• Македонска асоцијација за слободна сексуална определба - МАССО
• Македонски центар за женски права
• Полио Плус
• Прва детска амбасада во светот – Меѓаши
• Сојуз на организации на жени на Република Македонија - СОЖМ
• Центар за човекови права и разрешување на конфликти
• ХДЗР Месечина
• Хелсиншки комитет за човекови права во Македонија
• ХОПС – Опции за здрав живот

Секретаријатот на Коалицијата Македонија без дискриминација се наоgа во Полио Плус.

Визијата на Коалицијата Македонија без дискриминација е изградба на македонското општество како праведно општество, без дискриминација, во кое сите луѓе уживаат еднакви права и еднаков третман и нивното вродено достоинството не застанува и не се ограничува пред бариерите на системот. Коалицијата си постави за цел јакнење на свеста за недискриминација и концептот на еднакви можности и јакнење на капацитетот на релевантните чинители во полето на недискриминација. За постигнување на целите, во фокусот на вниманието е креирање ефективна законска рамка преку донесување општи Закон за недискриминација и формирање независна комисија / тело / Омбудсман за заштита на човековите права.

Кон крајот од 2007 гдоина, Коалицијата ја креираше тригодишната програма „Македонија без дискриминација“, која всушност претставува имплементација на Стратегиската рамка на Република Македонија за заедничка акција за борба против дискриминацијата, креирана како резултат на заедничките напори на релевантни чинители здружени во Координативното тело за размена на информации и дијалог во текот на 2007, европската Година на еднакви можности за сите. Коалицијата тогаш ја започна и медиумската кампања под мотото „Еден до друг – различни, а еднакви".

Кон крајот од 2008 година, членките на Коалицијата, заедно со МТСП успеаја да добијат поддшка за Програмата и од Европската комисија, преку Програмата ПРОГРЕС и ЕИДХР, за активностите предвидени во Стратегиската рамка. Преку планираните активности во рамките на тригодишната програма, треба да се создадат предуслови за практична примена на Законот за заштита од дискриминација, како и за востановување на тело за еднаков третман, со поширок мандат од оној на сегашните инстутиции. Резултатите и успехот се заеднички, на Република Македонија.

03.10.2008 Записник

09.07.2008 од 5 координативeн состанок

11.09.08 Записник

18.01.2008 Записник од прв состанок.doc

Коалиција за еднакви можности

Коалицијата за еднакви можности е составена од здруженија на граѓани, но е отворена за сите заинтересирани страни и иидивудуи кои сакаат да го дадат својот придонес и поддржат процесот на креирање и развој на антидискриминационо закондавство и борба против дискриминацијата по сите основи. Оваа Коалиција треба да има клучна улога и да се стреми да го осигура учеството и развојот на капацитетот на различни групи. Коалицијата треба да ги подготви за заедничка акција сите засегнати страни, да овозможи размена на позитивните практики и вмрежување на национално, регионално и европско ниво, како и размена на информации и мониторинг.

Делегацијата на Европската комисија во Македонија заедно со Коалицијата за еднакви можности во Македонија, си поставија цел да ги поканат и мотивираат сите заинтересирани граѓани во земјава да го дадат својот придонес кон креирање на праведно општество, ослободено од сите форми на дискриминација во кое се почитуваат различните и нивниот придонес. Преку кампања  да ја одбележиме 2007-та, како година на еднакви можности за сите и ЗАЕДНО да придонесеме за подигање на свеста, како и да научиме да живееме едни со други, а не едни покрај други. Во Македонија, каде што правната заштита на одредени категории на граѓани се уште не е целосна, кампањата “2007–Европска година на еднакви можности за сите во Македонија” ќе ја пренесе пораката и значењето на еднаквоста.